Mənim parlaq karyeram

On doqquzuncu əsrin sonlarında Avstraliyanın ucqar kəndlərindən birində yaşayan gənc Sibilla Melvin gündəlik ağır fermer əməyinə dözməkdə çətinlik çəkir. İnək sağmaq kimi monoton işlər onun marağında deyil. Qızın ən böyük arzusu pianoçu olmaq və parlaq bir karyera qurmaqdır, bütün bu istəklərini isə şəxsi gündəliyinə qeyd edir.

Ailənin maddi vəziyyəti pisləşəndə anası artıq böyümüş qızını xidmətçi kimi işləməyə göndərmək qərarına gəlir. Lakin bu vaxt nənəsindən gələn dəvət məktubu vəziyyəti dəyişir. İncəsənətə olan sevgisini məhz nənəsinin tərəfindən alan Sibilla yeni bir mühitə doğru yola çıxır.

«My Brilliant Career» dram filmi rejissor Cillian Armstronq tərəfindən lentə alınıb. Baş rolları Cudi Devis, Sem Nil, Vendi Hyuz və Robert Qrabb canlandırıb. Avstraliya istehsalı olan bu ekran əsəri 1979-cu ildə işıq üzü görüb.