El Potro, sevmək üçün doğulan

Gənc argentinalı Rodriqo Bueno uşaqlıqdan böyük səhnələri xəyal edir. Ailəsinin verdiyi dəstəkdən güc alan ifaçı tropik musiqi aləmində ilk addımlarını atır. Xarizması və romantik mahnıları sayəsində gənc qısa zamanda dinləyicilərin diqqətini cəlb edir.

Uğur qapıları açılmağa başlayanda xanədana ağır kədər üz verir — Rodriqonun atası qəfildən dünyasını dəyişir. Dərin sarsıntı keçirən müğənni doğma Kordova şəhərinə qayıdaraq yaxınları ilə birlikdə vaxt keçirir. Matəm günlərində o, ənənəvi kvarteto janrına yönəlməyə və «El Potro» təxəllüsü ilə yenidən səhnəyə çıxmağa qərar verir.

Lorena Munyosun rejissorluq etdiyi «El Potro, sevmək üçün doğulan» bioqrafik musiqili dram filmi 2018-ci ildə Argentinada lentə alınıb. Layihədə əsas obrazları Rodriqo Romero, Florensiya Penya, Fernan Miras və Daniel Araos canlandırırlar.