Mən Hit Lecerəm

Avstraliyalı aktyor Hit Lecer qısa zamanda dünya kinosunda silinməz iz qoymağı bacardı. "I Am Heath Ledger" sənədli filmi onun Hollivuddakı ilk addımlarından tutmuş qlobal şöhrət qazandığı dövrə qədər olan həyat yolunu işıqlandırır. Ekran əsəri istedadlı sənətçinin karyerasındakı ən mühüm hadisələri əks etdirir.

Filmdə Lecerin şəxsi arxivindən nadir kadrlar, onun çəkdiyi videolar və yaxınlarının xatirələri yer alır. Tamaşaçı təkcə aktyorluqla kifayətlənməyən, eyni zamanda fotoqrafiya və rejissorluqla maraqlanan yaradıcı bir insanı yaxından tanıyır. Layihədə sənətçinin kinematoqrafiya tarixində ölümündən sonra "Oskar" mükafatı alan ikinci aktyor olduğu faktı da vurğulanır.

Kanada istehsalı olan bu bioqrafik filmin rejissorları Adrian Baytenhays və Derik Mürreydir. 2017-ci ildə təqdim edilən layihədə Ben Harper, Kim Lecer və Salli Bell kimi yaxın simalar çıxış edir.