Müharibə tanrısı

XVI əsrin ortalarında dəniz quldurları uzun illər boyu Çinin şərq sərhədlərini qarət edirdi. Növbəti hücum nəticəsində mühüm liman şəhəri Tsenqan quldurların əlinə keçir. Vəziyyəti dəyişmək üçün paytaxt komandanlığı yaşlı sərkərdə Yu Daoya kömək məqsədilə gənc və qətiyyətli general Tsi Tsziquanı göndərir.

Yeni komandir bu müharibəyə birdəfəlik son qoymaq niyyətindədir. O, qarşıya qoyulan məqsədə çatmaq üçün orduda sərt intizam yaratmağı və tamamilə yeni hərbi qüvvə formalaşdırmağı vacib sayır. «Müharibə tanrısı» filmi sahilboyu torpaqları qorumaq uğrunda aparılan bu mübarizədən bəhs edir.

2017-ci ildə Çin və Honq Konq istehsalı olan tarixi hərbi filmi rejissor Qordon Çan çəkib. Əsas rolları Vinsent Çjao, Sammo Xun, Recina Van və Keisuke Koide canlandırıb.