Qorxunu sağaltmaq

İncəsənət sahəsində parlaq gələcək vəd edən gənc rəssam fırçasını kənara qoyaraq ömrünü tibbə və dinə həsr etmək qərarına gəlir. O, sadə insanların sağlamlığı keşiyində duran bir həkim və ruhani yolunu seçir. Bu seçim onu gələcəkdə cərrah və arxiyepiskop Luka kimi tanınacaq Valentin Voyno-Yasenetskiyə çevirir.

Siyasi təqiblər və çətin tarixi dövr onun əqidəsini sarsıda bilmir. Həkim fəaliyyəti boyunca minlərlə insanın canını qurtarsa da, həyatında ən çox sevdiyi qadını amansız ölümdən xilas etmək onun üçün mümkün olmur. O, fiziki yaraları sağaltmaqla yanaşı mənəvi dəstəyə ehtiyacı olanlara da dayaq durmağa davam edir.

«Qorxunu sağaltmaq» (Luka) bioqrafik dram filmi 2013-cü ildə Ukrayna və Belarusun birgə istehsalı kimi təqdim edilib. Ekran əsərinin rejissoru Aleksandr Parxomenkodur. Baş rolları Vitali Bezrukov, Andrey Saminin, Yekaterina Quseva və Viktoriya Malektoroviç canlandırıblar.