Raqeeb

Hüquqşünas Sidhart dostu Remonun kompüter şirkətində çalışır. O, yoldaşını internet üzərindən yazışdığı Sofi adlı gənc qadınla tanış etmək qərarına gəlir. Bir-birinə bağlanan Remo və Sofi qısa müddət sonra ailə həyatı qururlar.

Sidhartın təşkil etdiyi məclis bu münasibətlərin gedişatını dəyişir. Səhhəti pisləşən Remo evdə qaldığı üçün Sofi qonaqlığa tək gedir. Geri qayıdarkən qadın Sidharta keçmişdə Bollivud aktyoru Sanni Xanna ilə qısa münasibət yaşadığını və yenidən üzə çıxan keçmiş sevgilisinin Remoya xətər yetirə biləcəyini söyləyir. Evə daxil olduqda isə onlar Remonun cansız bədəni ilə qarşılaşırlar.

2007-ci ildə Hindistanda istehsal olunmuş «Raqeeb» filminin rejissoru Anuraq Sinqhdir. Baş rolları Rahul Xanna, Şarman Coşi, Tanuşri Dutta və Cimmi Şergill canlandırıblar.