Xatırla

Zev Quttman ahıl yaşlarında qocalar evində qalır və yaddaş itkisindən əziyyət çəkir. Həyat yoldaşını yenicə itirən qocanın Auşvitslə bağlı ağır xatirələri tədricən silinir. Lakin oradakı dostu Maks ona keçmişdə verdiyi bir sözü xatırladır: hər iki ailəni məhv etmiş və gizlənməyi bacarmış keçmiş faşist zabitindən intiqam almaq.

Maks əlil arabasında olduğundan bu səfərə Zev tək çıxmalı olur. Əlində ətraflı təlimat məktubu və yol xərci olan qoca dörd fərqli Rudi Kurlander adlı şəxsi tapıb əsl cinayətkarı üzə çıxarmaq niyyətindədir.

«Remember» detektiv dram filmi rejissor Atom Eqoyan tərəfindən lentə alınıb. Kanada, Almaniya, Meksika və CAR-ın birgə istehsalı olan bu 2015-ci il ekran əsərində baş rolları Kristofer Plummer və Martin Landau canlandırıb.