Muddat

Hüquq fakültəsinin tələbəsi Bharati sevimli müğənnisi Ravinin konsertinə gəlir. Çıxış zamanı polis əməkdaşları qəflətən səhnəyə daxil olaraq sənətçini həbs edirlər. Çox keçmədən qızın nişanlısı bildirir ki, musiqiçi qətldə ittiham olunur və onu ölüm cəzası gözləyir.

Müğənniyə vurğun olan Bharati onun günahsızlığını sübut etməyə çalışır və müstəqil şəkildə həqiqəti axtarmağa başlayır. O, Ravinin nişanlısı Kalpana ilə görüşür. Kalpana gənc qıza musiqiçinin Thakur Qacendra Sinqhin qardaşı Rananı hansı şəraitdə öldürdüyünü söyləyir.

Hindistan istehsalı olan «Muddat» detektiv filmi 1986-cı ildə ekranlara çıxıb. Ekran əsərinin quruluşçu rejissoru K. Bapayyadır. Əsas obrazları Sadaşiv Amrapurkar, Vikas Anand, Asrani və Urmila Bhatt canlandırıblar.