Magellan

NASA mütəxəssisləri Günəş sisteminin müxtəlif nöqtələrindən gələn qəribə impulslar qeydə alırlar. Bu dalğaların təbiəti və mənşəyi məlum olmadığı üçün alimlər hadisənin sirrini dərindən araşdırmaq qərarına gəlirlər. Yaranmış sirli vəziyyəti yerindəcə yoxlamaq üçün xüsusi ekspedisiya təşkil olunur.

«Magellan» filmi astronavt Rocer Nelsonun təkbaşına çıxdığı uzaq səyahətdən bəhs edir. O, eyniadlı kosmik gəmidə heç bir heyət üzvü olmadan açıq kosmosa doğru istiqamət götürür. Nelsonun əsas vəzifəsi qəbul edilən naməlum siqnalların mənbəyinə çatmaq və onları tədqiq etməkdir.

Detektiv elementləri ilə zəngin olan elmi-fantastik trilleri rejissor Rob York ərsəyə gətirib. ABŞ və Avstraliya kinematoqrafçılarının birgə istehsalı olan ekran işi 2017-ci ildə təqdim edilib. Əsas rollarda Brendon Rey Oliv, K. Danor Cerald, Uitni Palmer və Mettyu Merser çəkiliblər.