Kolombo: Qədəhdəki zəhər

Tanınmış restoran tənqidçisi Pol Jerar öz nüfuzundan şəxsi maraqları üçün istifadə edir. O, televiziya şousunda müsbət rəy vermək müqabilində iaşə obyektlərinin qazancının dörddə birini tələb edir. Lakin yeni restoranın sahibi Vittorio Rossi bu qaydalarla razılaşmır və tənqidçini ifşa etməklə hədələyir.

İki şəxs arasında baş verən mübahisədən sonra Rossi qəflətən ölü tapılır. Bütün dəlillər sahibkarın zəhərləndiyini göstərir və şübhələr dərhal Jerarın üzərinə yönəlir. Hadisə yerinə gələn leytenant cinayətin arxasındakı həqiqəti və nüfuzlu qonağın hiyləsini üzə çıxarmalı olur.

1978-ci il istehsalı olan «Columbo: Murder Under Glass» detektiv filmi ABŞ-da lentə alınıb. Layihənin rejissoru Conatan Demmedir. Baş rolları Piter Falk, Lui Jurdan, Şera Daneze və Riçard A. Daysart canlandırıblar.