Madhoshi

İncəsənət kollecində təhsil alan Anupama zəngin və qayğısız bir ailədə böyüyür. Lakin 11 sentyabr hadisələri zamanı böyük bacısı və onun həyat yoldaşı həlak olduqdan sonra qızın psixikası dözülməz sarsıntı keçirir. İki il sonra valideynləri ona dəstək olmaq ümidi ilə reklam sahəsində çalışan Arprit Oberoi ilə evlənməsinə qərar verirlər.

Nişanlısı xaricə ezamiyyətə yollananda qız terrorizmin səbəblərini araşdırmağa çalışır və bu zaman xüsusi xidmət əməkdaşı Amanla rastlaşır. Ona bağlanan qəhrəman toy ərəfəsində nikahdan imtina edərək qollarını kəsir və xilas edilsə də, həkimlər ona şizofreniya diaqnozu qoyurlar.

2004-cü ildə Hindistanda çəkilmiş «Madhoshi» filminin rejissoru Tanvir Xandır. Baş rolları Bipaşa Basu, Con Abraham və Priyanşu Çatterci canlandırıb.