Genesis Code

Həyat yoldaşı Ebbinin qətlə yetirilməsindən sonra şübhələr Devid Harrisin üzərinə düşür və o, ev dustaqlığına məhkum edilir. Törətmədiyi cinayətdə ittiham olunan Devid adını təmizləmək və günahsızlığını sübuta yetirmək üçün qaçmaq qərarına gəlir.

Polisdən gizlənən baş qəhrəman dünyasını dəyişmiş arvadının vaxtilə apardığı məxfi elmi araşdırmaları incələməyə başlayır. Axtarışlar zamanı Devid Ebbinin mistik surətinin ona gizli dəlilləri tapmaqda yol göstərdiyini hiss edir. "Genesis Code" filmi dram, triller və detektiv elementlərini bir araya gətirir.

2020-ci il Kanada istehsalı olan bu ekran əsərinin rejissoru həm də baş rolu canlandıran Brays MakLaflindir. Layihədə digər əsas obrazları Elisiya Rotaru, Stüart Uilyam Biq Slips və Nelson Leys canlandırıblar.