Böyük saat

"Xəbərlər Dünyası" qəzetində kriminal şöbənin rəhbəri olan Corc Straud ailəsi ilə birlikdə çoxdandır planlaşdırdığı tətilə yollanmağa hazırlaşır. Yola düşməzdən əvvəl iş yerinə baş çəkməsi onun həyatını alt-üst edir. Cəmi bir sutka ərzində uğurlu mətbuat işçisi qətl hadisəsində əsas şübhəliyə çevrilir.

Corc öz redaksiyasının yerləşdiyi hündürmərtəbəli binanın içində sıxılıb qalır. Göydələnin tavanındakı nəhəng saat vaxtı sayarkən, onun arxasınca həm polislər, həm də muzdlu qatillər düşür. O, tələyə düşdüyü bu məkandan sağ çıxmaq və günahsızlığını sübut etmək üçün sürətlə çıxış yolu tapmalıdır.

1948-ci il istehsalı olan bu ABŞ filminin rejissoru Con Ferroudur. Detektiv və triller janrında çəkilmiş "The Big Clock" ekran əsərində əsas rolları Rey Milland, Çarlz Loton, Morin O’Sallivan və Corc Makredi canlandırıblar.