Qızıl hörümçəklər

Məşhur xəfiyyə Niro Vulf evindən çıxmadan mürəkkəb cinayətləri çözməyə adət edib. Onun üçün çöl işlərini və müşahidələri daimi köməkçisi Arçi Qudvin yerinə yetirir. Lakin qızıl hörümçək formasında olan qadın sırğaları ilə bağlı yeni iş onlar üçün gözlənilməz bir tapmacaya çevrilir.

Naməlum qatil bu sirli bəzək əşyaları barədə məlumatı olan hər kəsi ardıcıl olaraq aradan qaldırır. Qurbanlar bahalı avtomobilin təkərləri altında həyatını itirir, lakin hər hadisə zamanı sükan arxasında tamam fərqli şəxslər peyda olur. Xəfiyyələr bu qəribə zəncirin arxasında kimin dayandığını aydınlaşdırmalıdırlar.

«The Golden Spiders: A Nero Wolfe Mystery» adlı detektiv filmini 2000-ci ildə amerikalı rejissor Bill Dük çəkib. Baş rolları Mori Çaykin, Timoti Hatton, Bill Smitroviç və Mimi Kuzık canlandırıblar.