Qorxunun dadı

Yaxın rəfiqəsini itirən və əlil arabasına məhkum olan Penni Fransanın Lacivərd sahilinə yollanır. Məqsədi on ildir üzünü görmədiyi varlı atası ilə görüşməkdir. Lakin malikanədə onu yalnız ögey anası Ceyn qarşılayır və atasının təcili iş səfərinə çıxdığını bildirir. Sürücünün ev sahibinin heç sevmədiyi avtomobillə yola düşdüyünü deməsi qızda böyük şübhələr oyadır.

İlk gecədə Penni bağ evində işıq görür və içəri baxarkən atasının cəsədi ilə qarşılaşır. Qorxu içində qaçmağa çalışarkən arabası ilə birlikdə hovuza yuvarlanır. Özünə gəldikdə isə ögey anası hər şeyin sadəcə xəyal olduğunu və evdə heç kimin tapılmadığını iddia edir. Penni Ceynin həqiqəti gizlətdiyinə əmin olub araşdırma aparmağa başlayır.

Böyük Britaniya istehsalı olan «Qorxunun dadı» (Scream of Fear) detektiv trillerini 1961-ci ildə rejissor Set Holt çəkib. Əsas rolları Syuzan Strasberq, Ronald Lyuis, Enn Todd və Kristofer Li canlandırıblar.