Cəhənnəmdən

Viktoriyan dövrünün Londonunu Qarınsökən Cek ləqəbli qatilin törətdiyi qəddar cinayətlər bürüyür. Bütün ölkədə xof yaradan bu müəmmalı cani adi bir qəssabdan daha dəqiq biliklərə sahibdir. O, qurbanlarını xüsusi dəhşətli bir ayinlə məhv edir və ardınca saysız-hesabsız şayiələr buraxır.

Cinayətlərin izinə düşməyə çalışan müfəttiş Fred Ebberlayn öz bəsirət vergisinə güvənir. Bu qabiliyyətini gücləndirmək üçün tiryəkdən istifadə edən müstəntiq, dəhşətli faktlarla üz-üzə qalır. O müəyyənləşdirir ki, silsilə qətllərin arxasında kral ailəsinin göstərişlərini yerinə yetirən Mason ordeninin gizli qəsdi dayanır.

«From Hell» triller filmi rejissorlar Albert və Allen Hyuz tərəfindən çəkilib. ABŞ, Böyük Britaniya və Çexiyanın birgə istehsalı olan bu ekran əsəri 2001-ci ildə nümayiş olunub. Baş rolları Conni Depp, Hizer Qrem, İan Holm və Robbi Koltreyn canlandırıblar.