Marni

Gənc qadın müxtəlif şirkətlərə başqa adlar altında işə düzəlir və bir müddət sonra oradakı pulları oğurlayaraq yoxa çıxır. O, hər dəfə xarici görkəmini və sənədlərini dəyişdiyi üçün izinə düşmək heç cür mümkün olmur. Növbəti dəfə o, əvvəlki qurbanlarından birinin biznes şəriki olmuş Mark Ratlendin şirkətinə gəlir.

Mark qarşısındakı işçinin əslində kim olduğunu tez bir zamanda anlayır, lakin onu polisə verməyə tələsmir. Sahibkar qadını şantaj edərək özü ilə evlənməyə məcbur edir. Birgə yaşayış zamanı o, arvadının kişilərdən, yaxınlıqdan, qırmızı rəngdən və şimşəkdən dərin bir qorxu duyduğunu müşahidə etməyə başlayır.

«Marni» filmi 1964-cü ildə rejissor Alfred Hiçkok tərəfindən ABŞ-da lentə alınıb. Psixoloji triller janrında olan bu ekran əsərində baş rolları Tippi Hedren, Şon Konneri, Martin Gabel və Luiz Lətem canlandırıblar.