Paranoya

Atasının avtomobil qəzasında həlak olması Keylin dinc və qayğısız həyatını darmadağın edir. Ailənin nizamı pozulur və məktəb müəlliminin atasının ünvanına etdiyi yersiz zarafat gəncin səbrini daşırır. Baş verən davadan sonra məhkəmə qarşısına çıxarılan Keyl ev dustaqlığı cəzası alır və qoluna otuz metrdən artıq uzaqlaşmağa imkan verməyən elektron qolbaq taxılır.

Anası ailəni dolandırmaq üçün gecə-gündüz çalışarkən, divarlar arasında qalan yeniyetmə sıxıntıdan qurtulmağın yolunu axtarır. Şəxsi kədərindən qaçmaq üçün o, pəncərədən ətrafdakı evləri izləməyə, qonşuların münasibətlərini və gündəlik qayğılarını müşahidə etməyə başlayır. Lakin bu passiv maraq tədricən dəhşətli şübhəyə çevrilir və Keyl qonşusunun qatil olduğuna inanır.

ABŞ istehsalı olan «Paranoya» filmi 2007-ci ildə rejissor Di Cey Karuzo tərəfindən çəkilib. Kriminal trillerdə əsas rolları Şayya LaBaf, Sara Remer, Kerri-Enn Moss və Devid Mors ifa edirlər.