Kiməm mən

Binyamin kompüter şəbəkələrində böyük istedada malik olsa da, gündəlik həyatda diqqətdən kənarda qalan adi bir gəncdir. Uşaqlıq illərindən bəri komiks qəhrəmanları kimi dünyanı fəth etmək xəyalları quran bu gəncin qarşısına tamamilə fərqli xarakterə malik Maks çıxır. Yeni tanışı onu öz haker qrupuna dəvət edir.

Mövcud sistemin qaydaları ilə barışmaq istəməyən yoldaşlar bir-birinin ardınca cəsarətli kibercinayətlər törədirlər. Onların əsas niyyəti MRX adlı nüfuzlu kiber-mütəxəssisin diqqətini çəkmək və onun hörmətini qazanmaqdır. Lakin çox keçmədən hadisələrin gedişatı təhlükəli həddə çatır və vəziyyət idarəolunmaz şəkil alır.

Almaniya istehsalı olan «Who Am I - Kein System ist sicher» filmi 2014-cü ildə rejissor Baran bo Odar tərəfindən lentə alınıb. Triller janrlı ekran əsərində baş rolları Tom Şillinq, Elyas M’Barek, Votan Vilke Mörinq və Antuan Mono kiçik ifa edir.