Qırmızı çaylar

Alp dağlarında yerləşən nüfuzlu bir kollecdə amansız qətl törədilir və bu cinayətin izinə təcrübəli polis komissarı Pyer Nyemans düşür. Eyni vaxtda başqa bir bölgədə gənc xəfiyyə Maks Kerkeriyan qəribə bir hadisə ilə qarşılaşır: naməlum şəxslər on yaşlı qızın məzarını açıb təhqir edirlər.

İlk baxışdan bu iki hadisə arasında heç bir ortaq cəhət görünmür. Lakin axtarışlar dərinləşdikcə hər iki polis işlərin bir-biri ilə bağlı olduğunu kəşf edir. Həqiqət axtarışları onları əvvəllər gördükləri bütün adi cinayətləri kölgədə qoyan böyük bir qaranlığın içinə sürükləyir.

Fransa istehsalı olan «Qırmızı çaylar» detektiv filmi 2000-ci ildə rejissor Matye Kassovits tərəfindən çəkilib. Ekran əsərinin baş rollarında Jan Reno, Vensan Kassel, Nadya Fares və Dominik Sanda çəkiliblər.