Şahid

Hüquq şirkəti keyfiyyətsiz məhsulları ucbatından insanların xəstələnməsinə səbəb olmuş böyük bir korporasiyanın işi ilə məşğuldur. Rəhbərlik ictimaiyyət qarşısında imicini düzəltmək məqsədilə vəkil Yan Sun-hoya yaşlı sahibini qətlə yetirməkdə şübhəli bilinən xadiməni müdafiə etməyi tapşırır.

Hadisənin tək şahidi autizm sindromlu bir məktəbli qızdır. Ədaləti bərpa etmək və məhkəmə prosesini aparmaq üçün vəkil bu yeniyetmə qızın etibarını qazanmalı və onunla ümumi dil tapmalıdır.

Cənubi Koreya istehsalı olan «Şahid» (Jeungin) detektiv dramı 2019-cu ildə ekranlara çıxıb. Filmin rejissoru Li Handır, baş rolları isə Çon U-son, Kim Hyan-qi, Li Qyu-hyon və Yom Hye-ran canlandırıb.