Tezcə bazar günü gəlsəydi

Ov zamanı Massulye adlı şəxs müəmmalı şəkildə qətlə yetirilir. Hadisədə şübhəli bilinən ilk şəxs daşınmaz əmlak agenti Jülyen Versel olur. Qurbanın bədənindən tapılan nadir qırma növü Verselin güllələri ilə eynilik təşkil edir, üstəlik onun həyat yoldaşının həmin adamla gizli əlaqəsi üzə çıxır.

Çox keçmədən Jülyenin arvadı da müəmmalı şəkildə həyatını itirir və kişinin yenə heç bir alibisi olmur. Çıxılmaz vəziyyətə düşən agentə yardım etmək qərarına gələn katibəsi Barbara, həqiqəti üzə çıxarmaq üçün şəxsi araşdırmasına başlayır.

«Vivement dimanche!» filmi 1983-cü ildə Fransada rejissor Fransua Trüffo tərəfindən lentə alınıb. Triller və komediya ünsürlü bu detektiv layihədə baş rolları Fanni Ardan, Jan-Lui Trentinyan, Jan-Pyer Kalfon və Filipp Lodenbaş canlandırıb.