Çılpaq tapança 2 1/2: Qorxunun qoxusu

ABŞ prezidenti təbiətə zərərsiz alternativ enerji mənbələrini dəstəkləyən doktor Maynhaymeri özünə müşavir təyin edir. Bu vəziyyət neft, qaz və atom sahəsinin nəhənglərini narahat edir, çünki onlar böyük qazancdan məhrum ola bilərlər. Biznesmenlər alimi partlayışla aradan götürməyə çalışsalar da, o, təsadüfən sağ qalır.

Cinayəti araşdırmaq işi Los-Anceles polisinin leytenantı Frenk Drebinə tapşırılır. İşin gedişatında xəfiyyə ardıcıl gülünc hadisələrlə üzləşir və qarışıq vəziyyətlərə düşür. Eyni zamanda o, onu vaxtilə tərk etmiş keçmiş sevgilisi Ceyn ilə qarşılaşaraq hisslərini aydınlaşdırmağa çalışır.

«The Naked Gun 2½: The Smell of Fear» komediya filmi 1991-ci ildə ABŞ-da Devid Suker tərəfindən lentə alınıb. Bu ekran işi məşhur «Çılpaq tapança» franşizasının davamıdır. Əsas rolları Lesli Nilsen, Prissilla Presli, Corc Kennedi və O. Cey Simpson canlandırıb.