Uzun gün gecəyə qovuşur

Atasının dəfni Luo Yivunu uzun illər sonra doğma şəhərinə qayıtmağa vadar edir. On iki il əvvəl o, bu yerlərdə yaxın dostunun sevgilisi ilə gizli münasibət yaşamışdı. Həmin qadının xəyalı illər boyu kişinin yaddaşından silinməyib, onun yuxularını və xəyallarını bürüyüb.

İtirdiyi sevgilisini axtaran baş qəhrəman köhnə xatirələrinin içinə qərq olur. Getdikcə keçmişlə indiki zaman arasındakı fərq aradan qalxır. Yaşanan gerçəkliklər xəyallarla və təxəyyülün yaratdığı illüziyalarla bir-birinə qarışır.

«Uzun gün gecəyə qovuşur» filmi 2018-ci ildə rejissor Bi Qan tərəfindən Çin və Fransanın birgə istehsalı kimi ərsəyə gətirilib. Detektiv, dram və melodram janrlarını birləşdirən ekran əsərində əsas rolları Tan Vey, Xuan Çzüe, Silviya Çan və Li Xunçi canlandırıb.