Mister Bruks

Hörmətli iş adamı və qayğıkeş ailə başçısı olan cənab Bruks uzun müddətdir ikili həyat sürür. Nümunəvi ata və ər simasının arxasında amansız bir qatil gizlənir. Onun daxilindəki bu iki fərqli şəxsiyyət daim mübarizə aparır, lakin heç biri digərinə qalib gələ bilmir və cinayətlər ard-arda davam edir.

Son törədilən cinayət zamanı gözlənilməz bir hadisə baş verir: hadisəyə dəli bir fotoqraf şahidlik edir. Şahid Bruksu şantaj etməyə başlayır, lakin onun tələbi adi cinayətkarlardan fərqlənir. Pula ehtiyacı olmayan fotoqraf növbəti qətllərdə şəxsən iştirak etmək istəyir. Beləliklə, baş qəhrəman şantajçının istəyinə boyun əymək və ya öz daxili zəifliyinə qalib gəlmək arasında qalır.

«Mr. Brooks» filmi 2007-ci ildə ABŞ-da rejissor Brüs A. Evans tərəfindən ekranlaşdırılıb. Baş rolları Kevin Kostner, Demi Mur, Deyn Kuk və Vilyam Hört canlandırıblar.