Gözəgörünməz şahid

Nüfuzlu iş adamı Adriano məşuqəsini qətlə yetirməkdə şübhəli bilinərək həbs edilir. Hadisə dərhal mediada geniş yayılır və ictimaiyyətin diqqət mərkəzinə düşür. İttihamları qəti şəkildə rədd edən biznesmen ölkənin ən güclü, heç vaxt məğlub olmayan vəkili ilə əməkdaşlıq etməyə qərar verir.

Məhkəmə iclasına cəmi bir neçə saat qalmış vəkil gecə vaxtı Adrianonun yanına gəlir. Məqsəd hadisənin hər xırdalığını təhlil etmək və məhkəmə zalında səsləndiriləcək ən etibarlı müdafiə planını hazırlamaqdır. İrəli sürülən hər bir dəlil diqqətlə nəzərdən keçirilməlidir.

İtaliya istehsalı olan «Il testimone invisibile» trillerini 2018-ci ildə rejissor Stefano Mordini lentə alıb. Ekran əsərində əsas rolları Rikkardo Skamarço, Miriam Leone, Fabritsio Bentivolyo və Mariya Payato canlandırır.