Montaj

On beş il əvvəl azyaşlı qızın qaçırılması onun ölümü ilə nəticələnmiş, cinayətkar isə izinə düşülmədən yoxa çıxmışdı. Həmin cinayət üzrə iddia müddətinin başa çatmasına cəmi beş gün qalmış faciənin baş verdiyi yerə naməlum şəxs tərəfindən gül qoyulur. Qısa müddət sonra isə tamamilə eyni üsulla daha bir uşaq oğurlanır.

Cinayətkarın kimliyini üzə çıxarmaq üçün üç nəfər axtarışa başlayır. Bu yolda on beş il əvvəl övladını itirmiş ana, nəvəsi birbaşa gözləri önündən qaçırılan baba və ilk hadisəni vaxtilə araşdırmış detektiv birləşir.

Cənubi Koreya istehsalı olan «Montaj» filmi 2013-cü ildə ekranlara çıxıb. Rejissor Jeong Geun-seopun çəkdiyi detektiv dramında əsas rolları Uhm Jung-hwa, Kim Sang-kyung, Song Young-chang və Cho Hee-bong canlandırıblar.