Valideynlərinin üzünə baxmaq istəyirəm

Nüfuzlu beynəlxalq pansionat məktəbinin şagirdi intihara cəhd edir. Bu hadisədən əvvəl gənc müəlliməyə çatan məktubda dörd sinif yoldaşının adı çəkilir. Məlum olur ki, zorakılıqda ittiham edilən yeniyetmələr cəmiyyətin yüksək təbəqəsinə mənsub şəxslərin — keçmiş polis rəisinin, xəstəxana rəhbərinin, vəkilin və müəllimin övladlarıdır.

Qalmaqalın qarşısını almaq istəyən məktəb direktoru və həmin valideynlər dərhal hərəkətə keçirlər. Onlar övladlarını cinayət məsuliyyətindən qorumaq üçün bütün əlaqələrindən istifadə edir və zorakılıq faktını sübut edən dəlilləri məhv etməyə çalışırlar.

Cənubi Koreya istehsalı olan «Valideynlərinin üzünə baxmaq istəyirəm» dramatik detektiv filmi 2022-ci ildə ekranlara çıxıb. Rejissor Kim Ci-hunun lentə aldığı ekran əsərində baş rolları Sol Kyon-qu, O Dal-su, Çhon U-hi və Mun So-ri canlandırıblar.