Otuz üç bədbəxtlik

Amerikalı diplomat Uilyam Qridli xidmət üçün Böyük Britaniyaya köçür və cazibədar missis Hardvikin evində mənzil kirayələyir. Tezliklə ev sahibəsinə qarşı hisslər bəsləməyə başlayır. Lakin gənc diplomat qadının ətrafındakı qaranlıq şübhələrdən bixəbərdir: xanım Hardvikin əri qəflətən yoxa çıxıb və polis onu ərinin qətlində təqsirləndirir.

Vəziyyətdən xəbər tutan Uilyam sevdiyi qadını polislərin təqibindən qorumaq qərarına gəlir. O, kömək üçün Londondakı Amerika səfiri olan rəisinə müraciət edir. Diplomatlar təhqiqat aparan inadkar polislərə qarşı durmağa və müəmmalı hadisəni aydınlaşdırmağa çalışırlar.

1962-ci il istehsalı olan «The Notorious Landlady» komediya filmini rejissor Riçard Kuayn çəkib. ABŞ istehsalı olan bu detektiv ekran əsərində baş rolları Cek Lemmon, Kim Novak, Fred Aster və Layonel Ceffris canlandırıblar.