Tesis

Kinoşünaslıq fakültəsinin tələbəsi Anxela ekranda zorakılıq mövzusunda dissertasiya hazırlayır. Nadir lentləri axtaran gənc qız elmi rəhbəri professor Fiqeroadan arxivdə saxlanılan qadağan olunmuş kasetləri tapmasını xahiş edir. Eyni zamanda o, bu cür qəddar filmlərdən ibarət şəxsi kolleksiyası olan tələbə yoldaşı Çema ilə də əlaqə saxlayır. Müəllim qapalı bölmədən bir videokaset götürməyə nail olsa da, ona universitet zalında baxarkən qəfil vəfat edir.

Professorun cəsədini tapan Anxela kaseti özü ilə evə aparır. Çema ilə birlikdə videonu izləyən qız lentə real qətlin köçürüldüyünü görür. Üstəlik, kasetdəki qurban iki il əvvəl yoxa çıxmış tələbə qız Vanessa olur.

İspaniya istehsalı olan «Tesis» filmi 1996-cı ildə rejissor Alexandro Amenabar tərəfindən çəkilib. Ekran əsərində baş rolları Ana Torrent, Fele Martines, Eduardo Noryeqa və Şavyer Elorriaqa canlandırıb.