Cinayətkar əlaqələr

Əxlaq polisinin xəfiyyələri Divinçi və Rodriqes artıq qanunun əleyhinə işləməyə alışıblar. Onlar narkotik alıcıları tapır, sövdələşmə zamanı onları aradan götürür və həm pulu, həm də malı özlərinə saxlayırlar. Şübhələri yayındırmaq üçün isə hər şeyi küçə cinayətkarlarının toqquşması kimi qələmə verirlər. Lakin növbəti qurbanın gizli narkotiklə mübarizə agenti olduğu üzə çıxanda işlər qarışır.

Rəhbərlik öldürülən xüsusi agentin qatillərini tez bir zamanda tapmağı elə bu iki polisə tapşırır. Vəziyyətdən çıxış yolu axtaran həmkarlar şübhəni üzərlərindən atmaq məqsədilə heç bir günahı olmayan bir nəfəri tələyə salmaq qərarına gəlirlər. «Cinayətkar əlaqələr» (Criminal Intent) filmi ifşa olunmamaq üçün daha da dərinə batan bu polislərin planlarından bəhs edir.

ABŞ istehsalı olan bu detektiv dramı rejissor Cim Kauf çəkib. 1997-ci ilin kriminal filmində baş rolları Ceyms Beluşi, Tupak Şakur, Lela Roşon və Dennis Kueyd canlandırıblar.