Bir kəlmə belə demə

Uğurlu psixiatr Natan Konrad aqressiv tutmaları olan Elizabet adlı qapalı gənc qızın müalicəsini öhdəsinə götürür. İndiyədək heç bir həkim onun bu vəziyyətinin kökünü tapa bilməyib. Qız isə həkimlə ilk təmasında heç kimə heç nə deməyəcəyini açıq şəkildə bildirir.

Çox keçmədən bu pasiyentin sirri psixiatrın şəxsi həyatı ilə kəsişir. Naməlum şəxslər Natanın azyaşlı qızını qaçırır və ailəsini gizli nəzarət altına alırlar. Övladını xilas etmək üçün həkim Elizabetin zədələnmiş yaddaşında gizlənən altırəqəmli xüsusi şifrəni ondan öyrənməlidir.

«Don't Say a Word» filmi 2001-ci ildə ABŞ, Kanada, İsveçrə və Avstraliyanın birgə istehsalı kimi təqdim olunub. Qeri Fleder tərəfindən çəkilən trillerin baş rollarında Maykl Duqlas, Brittani Mörfi, Şon Bin və Cennifer Espozito çəkiliblər.