Tanrının əyri xətləri

1979-cu ilin martında xüsusi xəfiyyə Alis Quld gizli tapşırıqla psixiatriya xəstəxanasına daxil olur. O, özünü pasiyent kimi təqdim edərək müştərisinin həmin müəssisədə müəmmalı şəkildə ölən oğlunun işini araşdırmağa başlayır.

Divarlar arasında məlumat toplamağa çalışan qadın tezliklə başa düşür ki, buradakı xəstələr hadisə ilə bağlı nələrisə bilirlər. Eyni zamanda klinikanın tibbi heyəti də həqiqətləri gizlətməyə çalışır və bu durum araşdırmanı xeyli çətinləşdirir.

İspaniya və Fransanın birgə istehsalı olan «Los renglones torcidos de Dios» triller filmi 2022-ci ildə rejissor Oriol Paolo tərəfindən çəkilib. Baş rollarda Barbara Lenni, Eduard Fernandes, Loreto Mauleon və Xavyer Beltran çıxış edirlər.