Təmiz olmayan vicdan

Məşhur vəkil Artur Ceymson ailəsində ciddi böhran yaşayır. Ərinin daimi xəyanətlərindən bezən Luiza boşanmaq üçün məhkəməyə müraciət etmək qərarına gəlir. Üstəlik, o, ərinin peşə fəaliyyətindəki qaranlıq məqamları və qanunsuzluqları prokurorluğa açıqlamaqla hədələyir.

İfşa olunmaqdan qorxan Artur həyat yoldaşını aradan qaldırmaq niyyətinə düşür. «Təmiz olmayan vicdan» (Guilty Conscience) filmində vəkil qətli ən xırda detallarına qədər beynində canlandırır. O, zəhərləmə, bədbəxt hadisə, muzdlu qatil tutmaq və ya təbii ölüm görüntüsü yaratmaq kimi müxtəlif variantları götür-qoy etsə də, hadisələr tamam fərqli məcrada irəliləyir.

ABŞ istehsalı olan bu cinayət dramını 1985-ci ildə rejissor Devid Qrin çəkib. Ekran əsərinin baş rollarını Entoni Hopkins, Blayt Danner, Svuzi Körts və Doneqan Smit ifa edirlər.