Əlavə dərs

Növbətçilik zamanı patrul əməkdaşı Vera Sedova kollecdə baş verə biləcək faciənin qarşısını təkbaşına almağa çalışır, lakin hadisə zamanı bir tələbə həyatını itirir. Qadın təkid edir ki, gəncin əlində silah olub. Lakin hadisə yerində heç bir silah tapılmır və bu səbəbdən valideynlər və cəmiyyət polis əməkdaşını sərt şəkildə qınamağa başlayır.

Vəziyyət getdikcə gərginləşdiyi bir vaxtda təyin olunmuş vəkil İlya Nesterov Veraya insani baxımdan rəhm edən yeganə şəxs olur. İlya cinayət işini araşdırdıqca və detallara dərindən bələd olduqca, müdafiə etdiyi şəxsin həqiqətən haqlı ola biləcəyinə inanmağa başlayır.

«Əlavə dərs» detektiv dram filmi 2022-ci ildə Rusiyada ekranlaşdırılıb. Ekran əsərinin rejissoru Anna Kurbatovadır, baş rolları isə Kirill Kyaro, Yuliya Aleksandrova, Oleq Vasilkov və Vlad Konoplyov canlandırıblar.