Abgeschnitten

Məhkəmə-tibbi eksperti Paul Hertsfeld eybəcərləşdirilmiş qadın cəsədini yararkən kəllə sümüyünün içində öz qızının adı və nömrəsi yazılmış qeyd tapır. Zəng edən həkim övladının qaçırıldığını və onu xilas etmək üçün Erik adlı şəxsi axtarmalı olduğunu öyrənir.

Həmin vaxt travma sonrası sindromdan əziyyət çəkən Linda adlı gənc qadın Helqoland adasında üzərində «Erik» yazılmış köynək geyinmiş naməlum meyit aşkar edir və qəfil həmin cəsəddəki telefon zəng çalır. Fırtına səbəbindən ada xarici aləmdən tamamilə təcrid olunduğu üçün Paul Lindanı ona yardım etməyə və qatil tərəfindən qoyulmuş müəmmaları birgə çözməyə razı salır.

Almaniya istehsalı olan «Abgeschnitten» triller filmi 2018-ci ildə rejissor Kristian Alvart tərəfindən çəkilib. Baş rolları Morits Blaybtroy, Yasna Fritzi Bauer, Lars Aydinqer və Faxri Yardım canlandırıb.