Təqsirsizlik prezumpsiyası

Prokuror Rasti Sebiç həmkarı Kerolin Polimusun qətlinin araşdırılması işinə cəlb olunur. Vəziyyət o vaxt çətinləşir ki, həyatını itirən qadınla Sebiç arasında vaxtilə gizli sevgi əlaqəsi olub. Tədricən şübhələr onun üzərinə yönəlir və qətlin əsas müttəhimi prokurorun özü olur.

Böyük səs-küyə səbəb olan məhkəmə prosesi başlayır. Müttəhim kürsüsünə oturan Rasti öz günahsızlığını sübuta yetirmək və müdafiə olunmaq üçün olduqca bahalı vəkilin xidmətlərinə müraciət edir.

ABŞ istehsalı olan «Presumed Innocent» trilleri 1990-cı ildə ekranlara çıxıb. Filmin rejissoru Alan C. Pakuladır, baş rolları isə Harrison Ford, Brayan Dennehi, Raul Xuliya və Bonni Bedelia canlandırıblar.