Liftdə üç nəfər, itdən başqa

Katya, Janna və İrina uzun illərdir dostluq edir, çətin anlarda bir-birlərinə dəstək olurlar. Uğurlu notarius işləyən Janna gözlənilməz problemlə qarşılaşır. Müştərisi ona mirasla bağlı sənədlərini etibar edir və qadın onları bankdakı seyfə qoyur. Lakin bir qədər sonra məlum olur ki, həmin kağızları təxminən bir saat əvvəl onun adından kimsə götürüb.

Yaddaş problemi yaşamayan Janna anlayır ki, kimsə onun cildinə girərək oğurluq edib. Üç rəfiqə bu fırıldaqçı qadını axtarmağa qərar verir. Onlar həmin saxtakarı tezliklə tapsalar da, qadının artıq sağ olmadığını görürlər.

Rusiyanın 2017-ci il istehsalı olan «Liftdə üç nəfər, itdən başqa» detektiv filminin rejissoru Aleksey Prazdnikovdur. Əsas rollarda Alla Yuqanova, Yuliya Takşina, Yekaterina Kopanova və Aleksandr Makoqon çəkiliblər.