Şahid

Görmə qabiliyyətini itirmiş tələbə qız taksiyə minir və yolboyu sürücünün kimisə vurduğunu hiss edir. Hadisədən sonra polisə müraciət edən gənc qız eşitdiklərinə əsaslanaraq baş verənləri təfərrüatı ilə izah etməyə çalışır. Asayiş keşikçiləri qəzanın izinə düşərək araşdırmaya başlayırlar.

Çox keçmədən hadisə yerində olmuş daha bir şahid ortaya çıxır. Lakin həmin gənc oğlanın danışdıqları görmə əngəlli qızın ifadələri ilə qətiyyən üst-üstə düşmür və bir-birinə ziddiyyət təşkil edir. Müstəntiqlər qəzada əslində nə baş verdiyini anlamaq üçün bu iki fərqli versiyanı araşdırmalı olurlar.

«Wo shi zheng ren» adlı detektiv triller filmi rejissor An San-hun tərəfindən lentə alınıb. Çin və Cənubi Koreyanın birgə istehsalı olan bu ekran işi 2015-ci ildə nümayiş olunub. Filmdə əsas rolları Yan Mi, Luhan, Van Tszinçun və Çju Yaven canlandırıblar.