Mumbay Polisi

Terrorçuları zərərsizləşdirərək ölkədə şöhrət qazanan gənc polis zabiti Aryan qətlə yetirilir. Hadisənin araşdırılması onun yaxın dostu Entoniyə həvalə olunur. Zabit cinayətkarın izinə düşməyi bacarır, lakin bu barədə rəisi Fərxana xəbər vermək istəyərkən gözlənilmədən ağır qəzaya uğrayır.

Həkimlər Entoninin yaddaşını tamamilə itirdiyini bildirirlər. İctimaiyyət və mətbuat cinayətin dərhal açılmasını tələb etdiyi üçün Fərxan dostunun vəziyyətini hamıdan gizlətmək qərarına gəlir. O inanır ki, Entoni əlindəki sənədlərə və qeydlərə əsaslanaraq həqiqəti ikinci dəfə də üzə çıxara biləcək.

«Mumbay Polisi» trilleri 2013-cü ildə Hindistanda istehsal olunub. Filmin quruluşçu rejissoru Roşan Endryusdur, baş rolları isə Pritxvirac Sukumaran, Rəhman, Cayasurya və Riyaz Xan canlandırıb.