Niyə Evansdan soruşmadılar?

Vikari oğlu və keçmiş dənizçi Bobbi Cons qolf oynayarkən sıldırım qayadan yıxılmış ağır yaralı bir adam tapır. Kömək etmək istəyən gənc, ölən şəxsin son nəfəsində pıçıldadığı anlaşılmaz sualı eşidir. Bu qəribə kəlmələr baş verən hadisənin arxasında gizli məqamların olduğunu göstərir.

Kişinin ölümünün bədbəxt hadisə deyil, qəsdən törədilmiş cinayət ola biləcəyindən şübhələnən Bobbi məsələni araşdırmağa qərar verir. O, uşaqlıq dostu Frensis Dervent ilə birlikdə həqiqəti üzə çıxarmaq üçün şəxsi təhqiqata başlayır.

Böyük Britaniya istehsalı olan «Why Didn't They Ask Evans?» filmi 1980-ci ildə ekranlara çıxıb. Ekran əsərinin rejissorları Con Deyvis və Toni Uormbidir, baş rollarda isə Françeska Annis, Con Qilqud, Bernard Maylz və Erik Porter çəkiliblər.