Yeddi

Təcrübəli müstəntiq Uilyam Somerset çoxdan arzuladığı təqaüdə çıxmağa hazırlaşır. O, xidməti başa vurub bu qaranlıq şəhərdən uzaqlaşmaq niyyətindədir. Lakin istirahətə cəmi yeddi gün qalmış Somersetə gənc həmkarı Mills təhkim olunur və eyni zamanda şəhərdə qəribə, amansız bir qətl törədilir.

Hadisə yerini araşdıran qocaman xəfiyyə bu cinayətin hələ başlanğıc olduğunu dərhal anlayır. Bir-birinə bənzəməyən iki tərəfdaş insanları günahlarına görə cəzalandıran qatili tapmaq üçün birlikdə çalışmalı olur. Hər yeni addım Somersetin cinayətkarla bağlı şübhələrini daha da dərinləşdirir.

ABŞ istehsalı olan «Se7en» triller filmi 1995-ci ildə rejissor Devid Finçer tərəfindən ekranlaşdırılıb. Ekran əsərində baş rolları Bred Pitt, Morqan Friman, Qvinet Peltrou və Kevin Speysi canlandırıb.