Frailty

FTB agenti Uesli Doyl Texasda qətllər törədən və «Tanrının Əli» ləqəbi ilə tanınan cinayətkarın axtarışı ilə məşğuldur. Gecə vaxtı onun yanına gələn Fenton Meyks adlı gənc qatilin kimliyini bildiyini iddia edir. Fentonun sözlərinə görə, axtarılan şəxs onun doğma qardaşı Adamdır və baş verənlərin kökü uşaqlıq illərinə gedib çıxır.

Ziyarətçi xatırlayır ki, analarının vəfatından sonra ataları qəribə davranmağa başlamışdı. O, mələkdən xüsusi tapşırıq aldığını və zahirən adi insanlara bənzəyən iblisləri məhv etməli olduğunu bildirərək oğullarını da bu işə cəlb etmişdi.

«Frailty» trilleri 2001-ci ildə ABŞ və Almaniyanın birgə istehsalı kimi təqdim edilib. Filmin rejissoru olan Bill Pekston eyni zamanda baş rollardan birini canlandırıb; digər obrazları Metyu Makkonaxi, Pauers But və Metyu O’Liri oynayır.