Kaal

Orbit milli parkında iki Britaniya vətəndaşının müəmmalı şəkildə həlak olması «National Geographic» jurnalının müxbirləri Krit Thapar və Riyanı bu hadisələri araşdırmağa vadar edir. Ətrafda insanların vəhşi pələng tərəfindən parçalandığı barədə şayiələr yayılsa da, jurnalistlər həqiqəti tapmaq üçün meşəliyin dərinliyinə yollanırlar.

Cəngəllikdə onlar istirahət günlərini təbiətdə keçirmək istəyərkən azıb qalan dörd turistlə qarşılaşırlar. İki fərqli dəstə eyni cığırda birləşir və tezliklə ətrafdakı havanın belə qorxunc bir təhlükə saçdığını duymağa başlayırlar. Qrup üçün bu yolçuluq ardıcıl xəsarətlər, panika və qorxu ilə dolu bir sınağa çevrilir.

Hindistan istehsalı olan «Kaal» filmi 2005-ci ildə rejissor Soham Şah tərəfindən çəkilib. Ekran əsərinin baş rollarında Acay Devqan, Vivek Oberoy, Con Abraham və Lara Datta çıxış edirlər.