Qaranlıq meşə

Gənc Hizer meşəlik ərazidə yerləşən qızlar üçün qapalı pansionata göndərilir. Yeni mühitdə onun işləri ilk gündən qaydasında getmir: nə həmyaşıdları, nə də müəllimlər bu qapalı qızı qəbul etmək istəyir. Təzyiqlər qarşısında çarəsiz qalan Hizerin psixologiyası sarsılır və o, qorxulu qarabasmalar görməyə başlayır.

Çox keçmədən pansionatda təhsil alan qızlar növbə ilə yoxa çıxmağa başlayır. Qəhrəman anlayır ki, gördüyü kabuslar sadəcə təxəyyülünün məhsulu deyil və ətrafdakı qaranlıq meşədə şər qüvvə gizlənir. Növbəti qurban olmamaq üçün Hizer bu fövqəltəbii sirri vaxtında açmalıdır.

«Qaranlıq meşə» adlı qorxu filmi rejissor Laki Makki tərəfindən ekranlaşdırılıb. ABŞ, Kanada və Almaniyanın birgə istehsalı olan bu triller 2005-ci ildə işıq üzü görüb. Ekran əsərində əsas rolları Alissa Amato, Stefani Breton, Maia Balestriri və Ember Kull canlandırıb.