Büllur lələkli quş

Gecə saatlarında Romanın küçələrində tənha qadınları hədəfə alan amansız bir qatil dolaşır. Həmin vaxt şəhərdə gəzintiyə çıxan amerikalı yazıçı sənət qalereyasında baş verən qanlı hücumun təsadüfi şahidinə çevrilir. Zərərçəkən isə qalereya sahibinin həyat yoldaşı olur.

Gözlənilmədən cinayət yerində olan əcnəbi yazıçı paytaxt küçələrində qatilin axtarışı ilə bağlı mürəkkəb hadisələrin içinə düşür. O, gördüklərini xatırlamağa və sirli cinayətin izinə düşməyə məcbur qalır.

«L'uccello dalle piume di cristallo» adlı triller filmi rejissor Dario Arcento tərəfindən çəkilib. İtaliya və AFR-in birgə istehsalı olan bu ekran əsəri 1970-ci ildə işıq üzü görüb, filmin aktyor heyətində Larri Dolqin, Pino Patti və Fulvio Minqotsi yer alıb.