Living Dark: The Story of Ted the Caver

Ted və Bred qardaşları atalarının məzarını ziyarət edərkən təsadüfən yeraltı gizli bir keçid aşkarlayırlar. Bu yol onları içərisində qəribə əşyalar olan mağaraya aparır. Tunelin dərinliyində isə indiyədək heç kimin daxil olmadığı dar bir yarıq və oradan gələn sirli səslər diqqəti cəlb edir.

Qardaşlar marağa təslim olaraq bu naməlum boşluğu araşdırmağa qərar verirlər. Onlar daş labirintin dərinliklərinə doğru irəlilədikcə vəziyyət mürəkkəbləşir. Hər addımda bu yeraltı səfərin onlar üçün son dərəcə təhlükəli olduğu və geriyə qayıtmağın çətinləşdiyi aydınlaşır.

ABŞ istehsalı olan «Living Dark: The Story of Ted the Caver» qorxu və detektiv filmi 2013-cü ildə ekranlara çıxıb. Ekran əsərinin rejissoru Devid Hantdır. Baş rolları Mark Heyter, Kris Klivlend, Mettyu Alan və Ceyson Vulf canlandırıblar.