Come with Me

Saymonun həyatı ard-arda gələn sarsıntılardan sonra alt-üst olur. Evinin qarət edilməsi, işində yaranan problemlər və ən yaxın dostunun ölümü onu çıxılmaz vəziyyətə salır. Həmin ərəfədə o, radioda ədalətsizliyə qarşı mübarizə aparmağa səsləyən təxribatçı aparıcı Dalton Kirbinin çıxışını dinləyir.

Efir vasitəsilə deyilən bu çağırışlar Saymon üçün bir növ hərəkət planına çevrilir. Əlinə silah götürən qəhrəman baş verənlərdə günahkar saydığı insanlardan qisas almağa başlayır. Lakin hər növbəti addım onu daha böyük zorakılıq və təhlükə burulğanına sürükləyir.

ABŞ istehsalı olan «Come with Me» filmi triller, dram və detektiv janrlarını birləşdirir. Rejissor Aaron Harvinin ekranlaşdırdığı layihədə əsas rolları Cey Hyuculi, Larri S. Makvey II, Maykl Sirou və Keyt Frenç canlandırıblar.