Mələklər

Varlı və eqoist Klaudio günlərini vecsiz əyləncələr və qısamüddətli macəralarla keçirməyə alışıb. Lakin polis əməkdaşı Luiza ilə qarşılaşdıqdan sonra onun dünyaya baxışı dəyişir və gənc qadına dərin hisslər bəsləməyə başlayır. Tezliklə Luiza ağır qəzaya düşür və onun həyatı tükdən asılı vəziyyətdə qalır.

Sevdiyi insanı xilas etmək istəyən Klaudio göylərə yalvararaq onun əvəzinə öz canını verməyə hazır olduğunu bildirir. Qəhrəmanın səsi eşidilir və Luiza sağ qalır. Klaudio isə fiziki həyatını itirərək mələkliyə namizəd olan yeni bir varlığa çevrilir.

2014-cü ildə ekranlara çıxan «Angeli» filminin rejissoru Stefano Realidir. Melodram və detektiv çalarlarını birləşdirən ekran əsərində Blu Di Martino, Stefano Frezi, Uqo Palyayi və Marko Bonini kimi aktyorlar çəkiliblər.