Cənnət və cəhənnəm

Böyük bir işgüzar müqavilə ərəfəsində bütün var-dövlətini riskə atan iş adamı Qondonun oğlunun qaçırıldığı bildirilir. Naməlum şəxs uşağın azad edilməsi müqabilində otuz milyon iyen tələb edir. Lakin tezliklə cinayətkarın səhv etdiyi və Qondonun şəxsi sürücüsünün övladını qaçırdığı məlum olur.

Buna baxmayaraq, quldur fikrindən dönmür və pul ödənmədiyi halda uşağı öldürəcəyi ilə hədələyir. Yad bir uşaq üçün tələb olunan məbləği vermək sahibkarı iflas həddinə çatdıra bilər və o, çətin bir seçim qarşısında qalır. Cinayətkarı ürkütməmək üçün polis gizli şəkildə hadisəyə cəlb olunur və təqib başlayır.

1963-cü ildə çəkilmiş bu Yaponiya istehsalı olan «Cənnət və cəhənnəm» filminin rejissoru Akira Kurosavadır. Əsas rolları Toşiro Mifune, Dzyun Hamamura, Tatsuya Nakadai və Kadzuo Kato ifa ediblər.